Трагедија: Тригодишно девојче со пиштол ја уби својата четиригодишна сестра
Тригодишно девојче пронашло наполнет пиштол во домот во Тексас и случајно ја застрелало својата четиригодишна сестра. Девојчето починало, пренесува CBS.
Ед Гонзалес, шериф на округот Харис, изјави дека инцидентот се случил вчера околу 20 часот и дека девојчињата биле во спалната соба од станот во Хјустон, каде што живееле со своите родители. Со нив во домаќинството живееле и други членови на семејството.
Девојчињата биле во спалната соба без родителски надзор, кога 3-годишното девојче пронашло наполнет полуавтоматски пиштол и испукало еден куршум кон нејзината сестра, рекол шерифот.
Откако го слушнале истрелот, родителите се упатиле кон спалната соба и го нашле четиригодишното дете на подот. Девојчето починало на лице место. По инцидентот семејството веднаш повикало полиција и брза помош.
Окружното обвинителство на округот Харис по истрагата ќе одлучи дали некој од родителите или другите членови на семејството ќе се соочат со обвиненија. Истрагата се уште е во прелиминарна фаза, порача шерифот.
ПОВРЗАНИ ВЕСТИ
Страшна статистика: Семејствата со помали деца најмасовно…
Бројот на лицата кои ја напуштаат Македонија…
УЖАС: 12-годишно момче застрела 2-годишно дете во…
Со куршум од воздушна пушка во Враца,…
Погребан матичниот лекар Ацо Трпковски, нема осомничени…
67 годишниот Ацо Трпковски – матичен лекар…
Ова е жената во која пукаше Албанец…
Триесетгодишната В.Ј. (30) од Велика Дренова е…
Автобус полн со деца излета од пат…
Денеска околу 13 часот, школски автобус полн…