Нов силен земјотрес го погоди регионот Кахраманмарс во Турција

Земјотрес со јачина од 4,5 степени денеска е регистриран и во југоисточниот турски округ Кахраманмарас, кој беше епицентарот на разорните земјотреси на 6 февруари.

Според владината Дирекција за управување со катастрофи и вонредни состојби (АФАД), земјотресот е регистриран во 17 часот и 34 минути, а епицентарот на земјотресот бил во градот Гоксун, а неговата длабочина била 8,7 километри.

Засега нема информации за штети или повредени лица.

Афтершоковите по најсилниот земјотрес траат веќе месец и половина на повеќе места во Турција.

Според последните податоци, бројот на жртвите од разорните земјотреси во земјава е над 50 илјади, повредените се околу 115 илјади.

Share on Facebook

Tweet

Follow us

Save