Вучиќ ѝ се заблагодари на Грција за почитувањето на територијалниот интегритет на Србија
Српскиот претседател Александар Вучиќ денеска изјави дека Србија и Грција ја потврдиле својата посветеност и поддршка на принципите на резолуциите на ОН и територијалниот интегритет.
По средбата со претседателката на Грција Катерина Сакеларопулу и по пленарната средба на делегациите на Србија и Грција, тој рече дека како што Грција го поддржува нашиот територијален интегритет, Србија исто така го поддржува територијалниот интегритет и суверенитет на грчката држава и на копно и на вода.
„Благодарам на претседателот и на премиерот за поддршката на територијалниот интегритет. Почитувањето на меѓународното право ни е важно, а на средбата потврдив колку е важно да се работи на компромисни решенија со Приштина“, рече Вучиќ.
Тој, како што истакна, му се заблагодарил на грчкиот претседател за поддршката на Србија на нејзиниот европски пат и за обидот да и помогне.
Верувам дека во наредниот период можеме да постигнеме натамошен напредок и во економијата“, рече тој.
Тој истакна дека е среќен бидејќи бил домаќин на грчката делегација.
„Србија и Грција имаат повеќе од традиционални, сестрински и братски односи – нашите народи добро се разбираат, а политичарите само го следат она што луѓето долго време го чувствувале. Денеска ја анализиравме и политичката ситуација во регионот на Југоисточна Европа, во светот, билатералните и економските односи, можностите за понатамошна соработка“, нагласи тој, јави Танјуг.
ПОВРЗАНИ ВЕСТИ
Жена од Србија чува кокошки кои несат…
Весна Козак од Падина одгледува околу 40…
Вучиќ: По гласањето за Резолуцијата за Сребреница…
Генералното собрание на ОН најверојатно ќе гласа…
Најголем број туристи од Бугарија и Русија,…
Србија во март ја посетиле 153.155 странски…
Избрана новата Влада на Србија
Пратениците на Собранието на Србија попладнево ја…
(Не)успешно разоружување на Србија – Бројот на…
Една година по акцијата за разоружување на…