Ципрас ветува истополови бракови и можност да посвојуваат деца доколку дојде на власт
Официјализирање на бракот за сите парови, без разлика на полот и правото да имаат деца, доколку СИРИЗА дојде на власт, најави лидерот на партијата Алексис Ципрас во неговата видео порака за време на настанот организиран од ЛГБТ+ групата во партијата, јави дописничката на МИА од Атина.
Ципрас рече дека за актуелниот грчки премиер „иако се декларира како либерален, сè уште не е дојдено времето за клучните прашања и клучните барања на ЛГБТ движењето“ и упати уверување дека со СИРИЗА на власт ова ќе се промени.
Победата на СИРИЗА- Прогресивна алијанса на изборите на 21 мај ќе го отвори патот за прогресивно владеење. А прогресивната влада предводена од СИРИЗА- Прогресивна алијанса ќе го институционализира бракот за сите парови, без разлика на полот со целосни права, вклучително и правото на потомство, рече Ципрас.
Потсети дека за време на Владата на СИРИЗА, во Парламентот беше донесен закон за граѓанско партнерство за истополовите парови.
ПОВРЗАНИ ВЕСТИ
Рама: Албанија нема претензии кон Грција
Албанија нема претензии кон Грција, рече премиерот…
Грчките медиуми ја подбраа Силјановска оти го…
Провокација од Силјановска“ е коментарот на дел…
Уапсени се 15 лица на грчкиот остров…
Грчката полиција денеска уапси 15 лица во…
Земјотрес во Грција
Земјотрес го потресе нашиот јужен сосед Грција.…
„Одиме на Солун“: Лани над 1 милион…
Грција минатата година била посетена од 1.128.000…