Објавена снимка од тепањето на Пендиков: По неколку шамари си заминува дома, а другиот ден се појави како да го прегазил булдожер

Охридското обвинителство ги презентираше материјалните докази меѓу кои и видео-снимка како доказ на која се гледа како три лица го тепаат Христијан Пендиков вечерта на 19 јануари во центарот на Охрид.

Снимката на која се повика обвинителката ја објави А1ОН, а на неа се забележуваат двајца кои му удираат шамари на Христијан Пендиков.

Адвокатот на обвинетиот Спасески смета дека снимката не докажува ништо и побара од судот да не го прифаќа објаснувањето на обвинителството за снимката.

– Обвинителката не покажа дека лицето кое го тепа Пендиков е обвинетиот Спасески. Пендиков во интервју за бугарска телевизија различен исказ во однос на она што се гледа на снимката. Тој тврди дека бил удиран со нозе, но тука се гледа дека е удрен еднаш со нога. При немање доказ врз основа на кој може да се утврди идентитетот на другите две лица, судот не треба да го прифати наводот на обвинителот дека напаѓачот е лице кое личи на Илија Спасески – рече адвокатот на обвинетиот Димитар Цобоски.

Според судијата Бојан Мартиноски мора да се испита оштетениот за да се расчистат сите дилеми во однос на различните искази.

На истото рочиште обвинетиот Илија Спасески истакна дека го разбира обвинението против него но дека не се чувствува виновен.

На снимката може да се забележи и дека по шамарите, Пендиков си оди без посериозни повреди како што беше прикажано во бугарските медиуми.

Share on Facebook

Tweet

Follow us

Save