Ќе “пукне” ли овде третата светска војна? Литванија во јули ќе ја покани Украина да му се придружи на НАТО

Литванскиот парламент усвои резолуција за покана на Украина во НАТО на самитот во Вилнус во јули, објави прес-службата на Сеимас.

-„На самитот на НАТО што ќе се одржи во Вилнус, неопходно е да се покани Украина да стане членка на НАТО“, се вели во документот.

За резолуцијата гласаа сите 129 пратеници присутни на состанокот.

Еден ден претходно, литванскиот министер за надворешни работи Габриелиус Ландсбергис изјави дека никој не очекува Украина да влезе во НАТО до почетокот на јулскиот самит на алијансата.

Документот, исто така, ги специфицира следните цели за земјата:
-зајакнување на источното крило на НАТО;
-зголемување на бројот на сојузничките трупи стационирани во Литванија на ниво на бригада;
-зајакнување на ракетната одбрана и воздушната одбрана на балтичкиот регион;
-брза ратификација на протоколот за пристапување на Шведска во алијансата;
-зголемување на трошоците за одбрана од страна на земјите-членки на најмалку два отсто од БДП;
-проширување на соработката на НАТО со партнерите во Индо-пацифичкиот регион.

Самитот на НАТО во главниот град на Литванија ќе се одржи од 11 до 12 јули.

На крајот на септември минатата година Киев аплицираше за влез во НАТО на забрзана основа. Генералниот секретар Јенс Столтенберг потоа уште еднаш укажа на „политиката на отворени врати“ и правото на секоја земја на самоопределување, но потсети дека за да се прифати нова членка потребна е согласност од сите земји-учеснички во алијансата.
Москва нагласи дека внимателно ја следат ситуацијата и се сеќаваат дека токму ориентацијата на Украина кон влез во НАТО стана една од причините за почетокот на специјалната операција.

Share on Facebook

Tweet

Follow us

Save