Објавено на:

(Видео)  Вулкан во Русија исфрли неверојатен облак од пепел висок над 10 километри

t

Вулканот Безимијани на рускиот полуостров Камчатка исфрли облак од пепел висок околу 10 километри. Руските геолози објавија и фотографии од лава и испарувања кои излегуваат од вулканот.

На социјалните мрежи се појавија видео снимки од облакот од пепел висок над 10 километри

Безимијани, со висина од 3 километри, е еден од најактивните вулкани во светот.

Највисокото ниво на опасност, црвено, е прогласено за авијацијата.

Според руското Министерство за цивилна одбрана, нема опасност за населените области или туристичките групи. Вулканот се наоѓа на околу 350 километри од Петропавловск-Камчатски, главниот град на полуостровот.

Инаку пред неколку дена силен земјотрес од 6.5 степени според Рихтеровата скала го погоди полуостровот Камчатка сместен на крајниот исток на Русија.

На социјалните мрежи се појавија повеќе видео снимки од моментот на земјотресот.

Но, само еден ден пред земјотресот имаше ерупција на еден од вулканите на овој полустров.

Полуостровот е на околу 6.600 километри источно од Москва и е една од областите со најголема концентрација на геотермална активност во светот, со околу 30 активни вулкани.

Поради своите вулкани, гејзери и термални извори, Камчатка е атрактивна дестинација за многу љубители на природата.

Полуостровот Камчатка долг 1.200 километри и широк до 450 километри има околу 160 вулкани, но само неколку од нив се сè уште активни. Вулканскиот регион е светско природно наследство на УНЕСКО.

ПОВРЗАНИ ВЕСТИ

Бугарија спаси две руски банки од санкциите…

Бугарија побара од Европската Унија да ги…

Русија тврди дека погодила товарен брод со…

Руското Министерство за одбрана соопшти дека неговите…

Русија го повтори барањето НАТО да се…

Русија повторно бара НАТО да ги повлече…

Трамп ќе се сретне со Путин и…

Белата куќа денеска потврди дека американскиот претседател…

Велика Британија воведе нови санкции за руските…

Велика Британија воведе нови санкции против руски…