ТРАГЕДИЈА: Млада одбојкарка пронајдена мртва – беше дел од италијанската репрезентацијата која лани во Скопје ја освои титулата европски првак

Една од најперспективните италијански одбојкарки Јулија Итума го загуби животот откако во средата вечер паднала од хотелска соба во Истанбул, по реванш натпреварот од полуфиналето во Лигата на шампиони меѓу домашниот тим Езачибаши и Новара, објави денеска весникот Тутоспорт.

Италијанските медиуми наведуваат дека турските истражни органи ги истражуваат деталите околу несреќата, додавајќи оти 18-годишната Итума настрадала под неразјаснети околности.

Итума беше во составот на италијанскиот тим Новара, кој синоќа загуби на реваншот во Истанбул со 3-0.

Турскиот тим избори пласман во финалето на Лигата на шампиони, бидејќи Новара на првиот дуел го совлада Езачибаши со 3-2.

Итума беше дел од италијанската репрезентација до 19 години која во септември лани во Скопје ја освои титулата европски првак, совладувајќи ја Србија со 3-2 во финалето во салата „Борис Трајковски“.

Share on Facebook

Tweet

Follow us

Save