На Украина ѝ се ветени уште пет милијарди долари за да се бори со Русија?

На состаноците во Вашингтон оваа недела, на Украина ѝ беа ветени уште пет милијарди долари за поддршка на борбата против Русија, изјави денеска украинскиот премиер Денис Шмихал.

Тој прецизираше дека Украина добила нови ветувања за дополнителна поддршка од Швајцарија, Данска и низа други земји, како и постигнала договор со американскиот производител на авиони Боинг, со кој украинските компании се ослободиле од долг од 200 милиони долари, пренесува Танјуг.

Во Вашингтон, Шмихал се сретна со претставници на Меѓународниот монетарен фонд (ММФ), Светската банка и Европската инвестициска банка (ЕИБ), како и со највисоките американски претставници, пренесува Ројтерс.

Средбите, кои тој ги опиша како „плодни“, се одржани на маргините на пролетната сесија на ММФ и Светска банка.

Share on Facebook

Tweet

Follow us

Save