Тешка сообраќајна несреќа: Едно лице загина

На регионален пат во атар на село Ќојлија, скопско, вчера попладне се случила сообраќајна несреќа помеѓу патничко моторно возило „сеат ибица“ со скопски регистарски ознаки, управувано од Б.Х.(19) од с. Ќојлија, и патничко моторно возило „даеву матиз“ со скопски регистарски ознаки, управувано од Х.Р.(60) од с. Долно Коњари.

„Во несреќата со тешки телесни повреди се здобил возачот Х.Р. кој бил пренесен во Комплексот клиники „Мајка Тереза“ каде починал, а смрт била констатирана од страна на лекар. Со тешки телесни повреди се здобиле возачот Б.Х. и сопатник од возилото “даеву матиз“ Љ.Г.(63) од Скопје, констатирани во Градската општа болница ‘Св.Наум Охридски’“, информира МВР.

Со телесни повреди се здобиле уште двајца сопатници од возилото „сеат ибица“ А.Д.(22) и И.Д.(24) двајцата од Скопје констатирани во Комлексот клиники „Мајка Тереза“.

Извршен бил увид од јавен обвинител и од увидна екипа од СВР Скопје.

Share on Facebook

Tweet

Follow us

Save