Македонски репрезентативец со два гола го шокира големиот Фенербахче

Македонскиот репрезентативец Валон Етеми продолжи да игра во одлична форма за Истанбулспор, откако вечерва постигна два гола во ремито против Фенербахче (3-3) на Езгјан Алиоски.

Фенербахче поведе со 2-0 со головите на Гулер, по што Етеми од пенал во 57. минута намали на 1-2, а неколку минути подоцна стрелаше за 2-2.

Жоао Педро во 71. минута ги врати домаќините во водство (3-2), но Истанбулспор преку Езе во 96. минута се избори за реми.

Фенербахче има 64 бода на втората позиција во турската Суперлига, додека Истанбулспор со 29 бодови е на 15. место.

Етеми оваа сезона постигна 12 голови и четири асистенции за Истанбулспор и се наоѓа на шестото место на листата со стрелци во првенството.

Извор: sport1.mk

Share on Facebook

Tweet

Follow us

Save