Добро утро со Инфомакс: Македонија, земја каде што на живите не им тежат гробовите на мртвите туку песните што ги пеат

Ацо Шопов е дел од плејадата македонски поети во чија поезија, дури и да не е спомената, се проткајува Македонија, македонштината која самиот поет ја чувствувал и промовирал, а од која цпел инспирација за неговите дела.

Добро утро Македонци, денеска ви пренесуваме цитат токму од Ацо Шопов, уживајте:

–„Доаѓам од југ, од Македонија, земја на стари паметници на културата, на црното сонце на игото и долготрајниот јарем, каде што крстот на судбината е полесен од пепелта на минатото, каде што мртвите не можат да умрат додека трае песната на живите, каде што на живите не им тежат гробовите на мртвите туку песните што ги пеат, каде што водата извира од срцата на фреските и, заплискана од сонцето без исток и запад, повторно се влева во истите тие фрески како скаменет вез на ѕидовите на постоењето и неизбежноста. Доаѓам, а една мисла повторно ме возбудува: колку разновидност, богатства, длабочини, колку патишта и различни судбини на една мала грутка земја која ја чувствуваме како наша татковина, како сиот свет во мало да застанал на неа, со пркос кон себе си и кон другите.“

Share on Facebook

Tweet

Follow us

Save