Жителите на анектираните украински региони ќе добијат олеснето државјанство или ќе можат да бидат депортирани

Рускиот претседател Владимир Путин потпиша одредба со која се олеснува патот до руско државјанство за оние кои живеат во делови на Украина под контрола на Русија. Но, таа одредба значи и дека оние кои не сакаат да го сменат државјанството или не го легализираат својот статус, може да бидат депортирани.

Ројтерс известува дека според одредбата, оние кои живеат во Доњецк, Луганск, Херсон и Запорожје (четири региони кои со референдуми се приклучија на Руската Федерација) можат да започнат со процесот на стекнување руско државјанство или легализација на статусот.

Но, во актот стои и дека оние кои нема да го започнат тој процес до 1 јули 2024 година ќе се сметаат за странски државјани, што значи дека Русија би можела да ги депортира од споменатите окупирани територии.

Share on Facebook

Tweet

Follow us

Save