Меси прогласен за најдобар спортист во 2023 година

Аргентинскиот репрезентативец и ѕвезда на ПСЖ, Лионел Меси е добитник на наградата „Лауреус“ за најдобар спортист во светот за 2023 година, а пресудно за тоа беше освојувањето на Светското првенство во Катар.

Меси го освои единствениот голем трофеј кој му недостигаше во богатата колекција, а во изборот за најдобар спортист ги победи неговиот колега Килијан Мбапе, тенисерот Рафаел Надал, шампионот во Ф1, Макс Ферстапен, кошаркарот Стеф Кари и рекордерот во скок со стап, Арманд Дуплантис.

„Ви благодарам на сите за наградата. Задоволство е да се биде тука и да се добие оваа награда, но фудбалот е тимски спорт. Го исполнив својот најголем сон и го освоив Мундијалот. Во минатото имав многу среќни моменти со Барселона и многу тага со националниот тим, имаше многу пречки, но успеав да станам подобар и да го освојам трофејот“, кажа Меси.

History maker! Lionel Messi is the first ever athlete to win the Laureus World Sportsman of the Year and Laureus World Team of the Year Awards in the same year.#Laureus23 pic.twitter.com/WJeaBghAMA

— Laureus (@LaureusSport) May 8, 2023

Извор: sport1.mk

Share on Facebook

Tweet

Follow us

Save