Зеленски му подари панцир со слика од Богородица на Папата

Украинскиот претседател Володимир Зеленски денеска ги посети Рим и Ватикан, каде што се сретна со папата Франциск, кој минатиот месец кажа дека е вклучен во мировен процес за ставање крај на војната со Русија.

Зеленски зборувал со папата околу 40 минути, при што му подарил панцир носен од украински војник на кој подоцна била насликана Богородица. Тој последен пат се сретна со папата во Ватикан во 2020 и неколкупати разговарале телефонски од почетокот на војната.

Откако во почетокот имаше балансиран став кон војната со надеж дека ќе биде посредник, папата подоцна почна поотворено да ги осудува руските воени акции, споредувајќи ги со најлошите злосторства против Украина во Втората светска војна. По враќањето од Унгарија на 30 април, папата навести дека Ватикан е вклучен во мисија за ставање крај на војната.

Share on Facebook

Tweet

Follow us

Save