Косово е блиску до полноправно членство во Советот на Европа, вели Хауел

Претставникот на Велика Британија во Советот на Европа Џон Хауел изјави дека Косово е многу блиску до полноправно членство на таа организација и дека е потребно да се лобира оние земји кои се порезервирани по ова прашање, пренесува Газета експрес.
Хауел вели дека Велика Британија силно го поддржала Косово да стане дел од Советот на Европа.

„Повеќе од 30 земји гласаа и го поддржуваат барањето на Косово за членство во Советот на Европа. Мислам дека Косово за кратко време ќе стане полноправна членка на Советот на Европа. Јас сум голем оптимист за ова прашање. Треба да знаете дека Обединетото Кралство силно го поддржува Косово на овој важен пат Сега останува на Косово да го направи својот дел, да лобира оние земји кои се порезервирани по ова прашање“, рече Хауел.

Хауел вели дека Србија мора да ги почитува постигнатите договори со Косово.

„Србија мора да ги почитува договорите и да не го спречува Косово да влезе во Советот на Европа. Во оваа ситуација тоа не само што би имало корист за Косово, туку и за Србија, бидејќи тоа би овозможило подобра комуникација меѓу сите земји-членки на Советот. Србија нема ништо да изгуби, бидејќи сите имаат корист од тоа што се рамноправни членови на Европскиот суд за човекови права и подлежат на конвенцијата“, истакнува Хауел.

Share on Facebook

Tweet

Follow us

Save