Седница на Советот за безбедност на Србија утре во 9 часот: Ќе присуствува и Вучиќ

Српскиот претседател Александар Вучиќ утре ќе присуствува на седницата на Советот за национална безбедност на државата кој го најави на денешниот собир во Белград.

Средбата е закажана за 9:00 часот во зградата на Генералниот секретаријат на Претседателот на Републиката.

Ќе разговараме за тоа што ќе се случи на Косово, а се плашам од многу лоши работи бидејќи знам со кого си имаме работа“, рече Вучиќ на средбата пред Националното собрание.

Тој оцени дека косовските власти намерно го чекале овој ден кога значителен број мажи од северот на Косово дошле во Белград за, како што рече, да ги нападнат општинските згради во Зубин Поток, Лепосавиќ и Звечан.

„И претставниците на Квинт молчеа на сето тоа и сега го осудуваат, кога Албанците завршија. Потешка криза не сме имале. Штом заврши оваа средба, ќе имаме состанок на Советот за национална безбедност и се плашам од многу лоши работи“, изјави Вучиќ, пренесува Танјуг.

Ни претстои најтешкиот период околу Косово, не притиснаа на ѕид, ќе го чуваме мирот, ќе се борам за секоја секунда мир, но првиот напад врз Србите на север, Србија нема да седи со скрстени раце , нема да ги протерате Србите, рече Вучиќ.

Вучиќ рече дека поради се што се случува заедништвото и единството се попотребни од било кога. Претседателот им се заблагодари на граѓаните кои масовно дојдоа пред парламентот, а тие му скандираа „Ацо, Србине“.

Само треба да ви кажам дека кога сме обединети и заедно тогаш никој ништо не ни може“, изјави Вучиќ.

Share on Facebook

Tweet

Follow us

Save