Единствена Македонија го подбра Мицкоски: Кој му дал право да преговара во име на сите Македонци?!

Ден по т.н. лидерска средба меѓу Димитар Ковачевски и Христијан Мицковски гледаме жестоко препукување меѓу СДСМ и ВМРО-ДПМНЕ за тоа кој што кажал, кој попуштил и слично.

Ова за Единствена Македонија која во основа се бори за одбрана на националните интереси воопшто не е битно. Единствена Макеоднија и македонскиот народ се силно вознемирени од тоа што го гледа цела Македонија, двајца претседатели на партии, Ковачевски и Мицковски на приватна меѓупартиска средба преговараат за иднината на македонската држава и македонскиот народ.

Единствена Македонија прашува, од каде извира правото на Ковачевски и Мицковски на приватна средба да го приватизираат и партизираат прашањето за сите Македонци во земјата и странство. Прашањето за Македонија и Македонците не е прашање на една партија или една влада туку на сите Македонци.

Единствена Македонија повторно го повикува Димитар Ковачевски да се вразуми и да одговори со привремен мораториум на преговорите за датум за членство во ЕУ до следните избори кога и да се одржат на кои народот нека одлучи за иднината на земјата.

Центар за комуникации на Единствена Македонија
Скопје, четврток 8 јуни 2023 година

Share on Facebook

Tweet

Follow us

Save