INFOMAX.MK

Никола Јокиќ денеска е во центарот на вниманието на сите светски медиуми, откако со Денвер нагетс дојде до титулата во НБА за која беше најзаслужен и избран за МВП на финалната серија, па за него може да се прочитаат разни приказни, пред се за патот од момче со вишок килограми до најголема ѕвезда во најсилната лига во светот.

Самиот кошаркар вели дека кога во 2015 година дошол во НБА не може да издржи ниту 10-отсто од тренинзите, пред се поради опсесијата со благи работи и со кока-кола, поради што никогаш не бил во идеална кондиција додека играл во Европа. Но, набрзо по потпишувањето со Денвер, Србинот со помош на кондицискиот тренер Фелипе Анјенберг почна да работи на трансформација на телото. Наместо газирани пијалоци, почнал да пие протеини, што бил прв чекор кон новиот Јокиќ.

„Мислам дека е се во главата. Треба да сфатите дека кока-колата не е посилна од вас“, изјави неодамна српскиот кошаркар.

Неодамна, тој самиот призна дека последната чаша кока-кола ја испил во авионот на пат кон САД, по што повеќе за него престанал да постои овој пијалок, кој според нутриционистите е еден од најнездравите, особено за професионалните спортисти. Тоа прво му донесе место на олстар-викендот во 2019 година, потоа до два МВП-трофеи по ред за регуларниот дел од сезоната, а деновиве и до најважното – до титулата.

Извор: sport1.mk