Одреден притвор за уште еден Србин во Косово: Нападнал новинари

На Урош Вукашиновиќ, Србинот од Косово и Метохија, кој во понеделникот беше уапсен во Лепосавиќ за наводен напад врз новинари, му е одредена мерка притвор од 30 дена, потврди за Танјуг неговиот адвокат Небојша Влајиќ.

Вукашиновиќ обвинителството го товари за нападот врз новинарите што наводно се случил на 16 јуни.

Урош Вукашиновиќ во понеделникот беше уапсен од членови на т.н косовски полицајци во цивил кога отишол на работа, а како што соопшти директорот на Управата за Косово и Метохија Петар Петковиќ, еден од полицајците управувал возило со таблички „КМ“.

За напад на новинари обвинети се и Немања Влашковиќ и Далибор Спасиќ, кои беа уапсени деновиве.

Ним, како и на Вукашиновиќ, им е одреден 30-дневен притвор.

Share on Facebook

Tweet

Follow us

Save