Нуклеарен инженер со своја прогноза што може да се контаминира, ако дојде до експлозија ва централата Запорожје

Додека Украина и Русија се обвинуваат меѓусебно за планирање експлозија или некој друг инцидент во нуклеарната централа Запорожје, се поставува прашањето што би се случило ако такво нешто навистина се случи.

“Објектот не бил изграден за сместување на војници и воена опрема. Електричните централи се таму за производство на електрична енергија и секако дека злоупотребата на која било индустриска централа е загрижувачка”, изјави за Sky News Јуџин Швагераус, инженер на нуклеарни системи на Универзитетот во Кембриџ.

Паркингот на електричната централа би можел да биде контаминиран?

“Но, нуклеарните електрани се изградени прилично цврсто и постои разлика помеѓу реалните и перцепираните опасности. Откако реакторите беа затворени пред неколку месеци, најопасниот произведен производ за фисија, јод-131, сега се распадна на безбедно ниво”, додава тој.

“Јод-131 е ризичен бидејќи истовремено е многу подвижен во животната средина и опасен за луѓето кои доаѓаат во контакт со него. Но, со оглед на тоа што јодот од претходните реакции сега се распадна на безбедно ниво, преостанатите изотопи на други елементи не претставуваат ризик колку што можат да бидат или мобилни или опасни кога се во контакт,”, објасни Швагераус.

На прашањето на новинарот на Скај Њуз дали голема експлозија во нуклеарната централа Запорожје може да го распрсне преостанатиот радиоактивен материјал и со тоа да создаде проблем, тој одговори:

“Да, но само многу малку подалеку од областа на централата, што значи дека паркингот на електричната централа може да биде контаминиран.”

Очите на целиот свет во моментов се насочени кон една од најголемите нуклеарни централи во светот – Запорожје, која се наоѓа на украинска територија, но под руска контрола.

Се стравува дека денеска ќе се случи голема радиоактивна еколошка катастрофа, која би можела да биде последица на експлозија во електраната, за која и сега, иако не се случила, Киев и Москва разменуваат обвинувања.

Имено, според украинските разузнавачи, на руските работници им било кажано да ја напуштат електраната до 5 јули.

Покрај тоа, руските војници исто така ја напуштаат областа, а на улиците се видливи значително помалку патроли, што, според Киев, е јасен знак дека Москва е подготвена да предизвика инцидент.