Денеска се празнува Пренос на моштите на светите маченици Кир и Јован
Се празнуваат на 31 јануари. Под тој датум е опишано нивното житие и страдање. На 28 јуни се празнува преносот на нивните мошти од Канопос во Манутин и многубројните чуда што се случија притоа. Александрискиот патријарх свети Кирил истрајно се молеше на Бога да го уништи идолското нечестие во Манутин, кај што имаше идолски храм и владееше демонска сила. Тогаш на патријархот му се јави Ангел Божји и му рече дека Манутин ќе биде очистен од нечестието ако тој ги пренесе таму моштите на светите Кир и Јован.
Патријархот веднаш го направи тоа: ги пренесе чесните мошти на мачениците во Манутин и изгради таму црква, којашто им ја посвети на светите Кир и Јован. Од моштите на овие маченици се исцели од шкрофул Амониј, синот на александрискиот градоначалник Јулијан; некој Теодор од слепило; Исидор од Мајум се исцели од раскапување на црниот дроб; една жена Теодора од отруеност; некој Евгениј од водена болест. Сето тоа се случи во 412 година.
ПОВРЗАНИ ВЕСТИ
Денеска се празнува Светиот апостол и евангелист…
Му беше сопатник и помошник на апостолот…
Денеска се празнува Светол Вторник
Откако слугите на првосвештениците израилски го фатија…
Денеска се празнува Светол Понеделник
Откако слугите на првосвештениците израилски го фатија…
Г.г. Стефан: Да ги зацврстиме единството и…
Архиепископот охридски и македонски г.г. Стефан заедно…
Велигденско послание на г.г. Стефан: Македонскиот народ,…
Велигденско послание од МПЦ-ОА, го пренесуваме во…