INFOMAX.MK

Портпаролката на руското МНР Марија Захарова ги коментираше резултатите од самитот на НАТО во Вилнус, сугерирајќи дека таму е донесена одлука за започнување на „голема европска војна“.
Се добива впечаток дека на самитот на НАТО е донесена, па дури и најавена одлука за започнување на голема европска војна“, се наведува во коментарот на Захарова на веб-страницата на Министерството.

Таа посочи дека за Москва е категорично неприфатлива логиката на Западот, која се состои во тоа дека воената помош за Украина треба да го приближи политичко-дипломатското решение.
Според неа, Западот „едноставно не е заинтересиран“ за прекин на борбите и „има корист од кризата на безбедносниот систем во европската област“.
Захарова, исто така, рече дека испораките на Франција со ракети „скалп“ за Украина се само уште еден насочен и свесен чекор кон ескалација на конфликтот.

На 11 јули, на самитот на НАТО во Вилнус, францускиот претседател Емануел Макрон изјави дека Париз одлучил да му предаде ракети со долг дострел на Киев за да ја „поддржи“ офанзивата на украинската армија.
Овие проектили се аналогни на ракетите „Storm Shadow“, кои Велика Британија веќе ги испраќа во Киев.

Самитот на Алијансата се одржа во главниот град на Литванија, Вилнус, од 11-12. јули.
Според завршната изјава објавена од генералниот секретар Јенс Столтенберг, учесниците на самитот одлучиле да не бараат од Украина да го исполни Акциониот план за членство во НАТО, а исто така одобриле и повеќегодишна програма за воена помош на земјата. Членките ветија дека ќе ја поканат Украина во Алијансата „кога ќе бидат исполнети сите услови“, но само по завршувањето на конфликтот.