Бугарите плачат: Тревникот на Арената не го бивал

Присуството на бугарски новинари во Скопје кои известуваат околу утрешниот натпревар Шкупи – Левски, придонесе тие со фотографии и снимки да им покажат на своите читатели и гледачи на каков терен ќе се игра мечот од квалификациите во Конференциската лига.

Нерамен терен и лоша состојба на тревата на Арената „Тодор Проески“ е нешто што не е „ексклузива“ само за гостувањето на Бугарите, туку подолго време, и нашите репрезентативци се жалеа во минатото.

„Ужасен терен го чека Левски“, „Тежок терен за Левски“ се дел од насловите во најчитаните бугарски спортски портали, и на Фејсбук страницата на Сините од Софија има снимки од теренот, за што има и многу негативни коментари од фанови од нашиот источен сосед.

На ваков терен и квалитетот на фудбалот не може да биде врвен, останува да се види утре од 21 часот кој ќе се снајде подобро на вакви услови.

Share on Facebook

Tweet

Follow us

Save