Борел: Србија се приклучи на европските санкции кон Сирија

Високиот претставник на Европската унија за надворешна политика и безбедност, Жозеп Борел, денеска соопшти дека Србија се приклучила на одлуката на Советот на ЕУ со која се продолжија рестриктивните мерки против Сирија.

Како што се наведува во изјавата на високиот претставник на ЕУ, со оваа одлука се продолжува „хуманитарното ослободување“ што беше воведено на 23 февруари 2023 година, а кое се однесува на претходно донесени рестриктивни мерки.

Се додава дека одлуката ја прифатиле сите земји кандидати за членство во Европската унија, вклучително и Србија, како и Грузија, Лихтенштајн и Норвешка.
„Европската унија ја забележува оваа посветеност и ја поздравува“, рече високиот претставник на ЕУ, додавајќи дека тие земји ќе се погрижат нивните национални политики да бидат усогласени со оваа одлука на Советот, пренесе Танјуг.

Share on Facebook

Tweet

Follow us

Save