Две лица загинаа, дваесетина се повредени во руски ракетен напад на Криви Рих
Две лица загинаа, 20 се повредени, а пет до седум лица се под урнатините на зграда во Криви Рих, која утрово беше погодена од руски ракети, изјави украинскиот министер за внатрешни работи Игор Клименко.
Според Клименко, руските сили истрелале две ракети кон Криви Рих, кои погодиле образовна институција и станбена зграда, пренесува Интерфакс Украина.
„Една ракета погоди четирикатна зграда на образовна институција. Најверојатно има луѓе под урнатините. Спасувачите и полицијата работат“, напиша Клименко на својот Телеграм канал.
Тој изјави дека втората ракета уништила дел од четврти до деветти кат од станбената зграда и дека потоа избувнал пожар.
Украинскиот претседател Володимир Зеленски сподели изјава во која го осудува нападот.
„Овој терор нема да не заплаши или скрши. Ние работиме и го спасуваме нашиот народ“, рече Зеленски.
ПОВРЗАНИ ВЕСТИ
Зеленски: Поддршката од Русија за Иран ја…
Украинскиот претседател Володимир Зеленски вели дека одбраната…
Украинската армија доби нов командант
Украинскиот претседател Володимир Зеленски денес го назначи…
Русија „на две столчиња„: Имаме стратешко партнерство…
Блискиот Исток тоне во хаосот на војната,…
Околу 150 луѓе од „непријателски земји“ се…
Околу 150 луѓе емигрираат во Руската Федерација…
Русија и Украина повторно разменија заробеници
Нова група руски војници е вратена од…