Албански експерт смета дека односот на Америка со Западен Балкан ќе зависи од развојот на конфликтот во Украина

Публицистот од Албанија Фатос Лубоња смета дека односот на Америка со регионот на Западен Балкан ќе зависи од развојот на настаните во Украина и дека проблемите со кои се соочуваат балканските земји мора да се решат со посредство на Европската унија, како во случајот со дијалог меѓу Косово и Србија, пренесува Теве 1 .

„Ние сме секундарен фактор во американската политика. Примарниот фактор е војната во Украина и како ќе се развива војната таму. Така, американските ставови кон Александар Вучиќ или кон Балканот ќе зависат многу од тоа како ситуацијата околу војната во Украина ќе се развие.зависи и од тоа дали ќе го смени ставот или не“, рече Лубоња.

Тој не очекува ЕУ да го казни српскиот претседател Александар Вучиќ за неговиот „проруски пристап“.

„Западот ја смета Србија за важен актер, не сака дестабилизација на Балканот. Со оглед на тежината што ја има Србија, бидејќи изврши моќно лобирање во САД, не можеме да се надеваме или мислиме дека Европа ќе го казни Вучиќ бидејќи тој е со Русија“, појасни тој.

Share on Facebook

Tweet

Follow us

Save