Ураганот Хилари се движи кон западниот брег на САД

Тропската бура Хилари денеска забрза кон север од брегот на мексиканската држава Баха Калифорнија кон регионот на Западниот брег на САД каде се очекува да предизвика големи поплави, лизгање на земјиштето, изолирани торнада, силен ветер и прекин на електричната енергија, соопшти Националниот центар за урагани.

Мексиканските градови Енсенада и Тихуана, кои лежат директно на патеката на бурата, ги затворија сите плажи и отворија повеќе засолништа во спортски комплекси и владини канцеларии.

Директорот на Центарот за урагани Мајкл Бренан соопшти дека иако Хилари ослабе до ураган од четврта категорија, луѓето треба да обрнат повеќе внимание на водата, а не на ветрот.

„Обилните врнежи и поплавите се најголемите убијци на тропските бури и урагани во САД во последните 10 години“, додаде Бренан.

Едно лице се удави денеска во мексиканскиот град Санта Росалија кога возилото во кое се наоѓало било однесено од порој. Спасувачките екипи успеале да спасат четири лица.

Share on Facebook

Tweet

Follow us

Save