Медведев: Украина може да „исчезне од политичката карта на светот“

Заменик-претседателот на Советот за безбедност на Руската Федерација Дмитриј Медведев повтори дека Украина може да „исчезне од политичката карта на светот“ како резултат на актуелниот конфликт.

„Како сè ќе заврши е јасно уште сега: неславниот пораз на Киев, како во времето на грузиските агресори. И во иднина – сосема веројатно – исчезнување на државата Украина, вештачки создадена на урнатините на СССР, од политичката карта на светот“, напиша политичарот во напис за магазинот „Аргументи и факти“.

Тој истакна дека друг исход од конфликтот ќе биде „срамното заминување“ на сегашните власти во Киев.
Според него, НАТО сега води „хибридна“, но вистинска и крвава војна против Русија во рацете на властите во Киев.

Share on Facebook

Tweet

Follow us

Save