Богдановиќ: Одиграв најглупаво во кариерата – ја изгубив главата!

Кошаркарската репрезентација на Србија во трилер-меч на стартот од втората фаза на Мундобаскетот, беше поразена од Италија (76-78) во меч во кој имаа шут за победа и предност од 16 поени.

Капитенот Богдан Богдановиќ постигна најмногу поени со 18, но имаше очаен шут за три поени (1/13).

„Ја одиграв најглупавата партија во кариерата и шутирав премногу за три поени, а требаше повеќе да го напаѓам противничкиот кош. Што да правам, ја изгубив главата и го искористија тоа. Се вратија по нашите 16 разлика, малку паднавме и тие го искористија тоа и нѐ добија на искуство“, изјави Богдановиќ.

Капитенот на српската репрезентација, сепак, не ја загуби вербата во својата селекција.

„Уште не сме испаднати, а сега не знам што ќе се случува, со која разлика треба да победиме за да бидеме први и да продолжиме понатаму. Како и да е, ќе се бориме до крај“, изјави Богдановиќ. .

Србите последниот меч од групната фаза ќе го одиграат задутре против Доминиканска република.

Извор: sport1.mk

Share on Facebook

Tweet

Follow us

Save