(Видео) СИЛЕН тајфун го погоди Хонг Конг

Во Хонг Конг најмалку 55 лица денеска завршија во болници поради повреди предизвикани од тајфунот Саола. Властите во Хонг Конг утрово известија дека околу 500 жители побарале засолниште во итни засолништа поради невремето. Властите во Хонг Конг, исто така, пријавија соборени дрвја и поплави.

Повеќето летови исто така беа откажани. До саботата наутро, ситуацијата во финансиската метропола донекаде се смири. Сепак, локалната метеоролошка служба ја повика јавноста да остане внимателна. Саола е деветти тајфун во регионот оваа година. Силните циклони се повторуваат во текот на летните месеци и погодуваат бројни земји во Југоисточна Азија.

Друга бура, Хаикуи, постепено се движи кон источна Кина, а поради тоа и бурата Саола, делови од провинциите Гуангжу, Фуџиан и Жеџијанг би можеле да бидат зафатени од силни ветрови и обилни врнежи, соопшти метеоролошката служба.

Се прогнозира дека Хаикуи ќе го погоди и источниот брег на Тајван во недела.

Во петокот, 780.000 луѓе во Гуангжу беа евакуирани од загрозените области, како и 100.000 други во соседната провинција Фуџијан. Повеќе од 80.000 рибарски бродови беа принудени да се вратат во пристаништата.

Работниците на голем број фирми останаа дома, а почетокот на учебната година за учениците во повеќе градови беше одложен за следната недела. Тргувањето на берзата во Хонг Конг беше прекинато во петокот, а стотици луѓе беа блокирани на аеродромот откако беа откажани околу 460 летови во регионалниот бизнис и туристички центар.

ЛИНК од видеото

Share on Facebook

Tweet

Follow us

Save