Највисокиот суд во Франција ја одобри забраната за муслиманските наметки во училиштата

Највисокиот суд во Франција го одобри неодамнешното воведување забрана за носење муслиманска облека од абаја во училиштата.

Државниот совет денеска ја отфрли жалбата на организацијата за муслимански права против забраната за облеките што традиционално ги носат исламските жени.

Забраната не претставува сериозно и јасно незаконско мешање во основните слободи, пресуди судот во Париз.

Францускиот министер пред новата учебна година ги забрани абаите, како и слична облека што ја носат мажите
Министерот за образование Габриел Атал во пресрет на почетокот на новата учебна година ги забрани не само абаите, туку и слична облека што ја носат мажите.

Тој ја засноваше одлуката на забраната за истакнување верски симболи во училиштата во Франција, што го поттикнува секуларизмот, строгата поделба на црквата од државата.

Во своето образложение, Државниот совет наведе дека носењето абаја во училиштата има религиозна позадина и дека законот им забранува на учениците да носат знаци или облека што ја покажуваат нивната верска припадност.

Француските училишта претходно забранија покривање на главата на муслиманите. Франција има строги секуларни правила кои честопати доведоа до тензии во етнички и религиозно различно општество.

Share on Facebook

Tweet

Follow us

Save