Елмас им се извинуваше на Италијанците и на цела Европа за лошата состојба на теренот

t

На стадионот „Тоше Проески“ во Скопје, во рамките на групата Ц од квалификациите за Европското првенство следната година, репрезентациите на Македонија и Италија одиграа 1-1, а македонскиот играч за врска Ељиф Елмас беше револтиран од состојбата на теренот.

Потсетуваме, Италија беше подобра од самиот почеток и создаде три-четири одлични шанси веќе во првото полувреме, но домашната мрежа остана „сува“. Најдобрата шанса ја имаше Тонали, кој ја погоди стативата во 20. минута.

Италија поведе на самиот старт од вториот дел. Повторно се затресе рамката на домашниот гол, тие погодија по одличен волеј удар на Барела. Сепак, капитенот Имобиле беше на вистинското место на кого му се одби топката, а напаѓачот на Лацио лесно погоди за 1-0.

Сепак, Италијанците не ја задржаа предноста до крајот, а ги шокираше Барди, кој во 81. минута постигна прекрасен гол од слободен удар за конечни 1-1.

„Тоа е одличен резултат, бидејќи игравме на искрено срамен терен. Можам само да им се извинам на сите Италијанци, на цела Европа. Не можете да играте фудбал на ваков терен. Тоа беше проблем за нас колку што беше проблем за Италија“, изјави Елмас за РАИ Спорт..

Како играч на Наполи, Елмас добро ја познава работата на италијанскиот селектор Спалети и затоа знаеше дека ќе излезе со формација 4-3-3 и различни концепти во репрезентацијата откако го замени Роберто Манчини.

„Видов многу работи кои Спалети ги направи со нас во Наполи, па бевме подготвени. Бев со него две години, па знам некои работи“, истакна тој по мечот.

ПОВРЗАНИ ВЕСТИ

Италија ја казни „Мета“ со рекордни 805…

Италијанската Агенција за заштита на личните податоци…

Италија планира казни до 160 евра за…

Италија наскоро би можела да воведе казни…

ДЗС: безбедно отстранети две минофрлачки гранати од…

Дирекцијата за заштита и спасување (ДЗС) безбедно…

Италија сака да воведе данок за богатите…

Италијанската влада предложи нова даночна мерка што…

Одамна заслуживме да бидеме во ЕУ, но…

Досието на Македонија е многу сложено, но…