Украинското разузнавање откри АЛАРМАНТНА ВЕСТ: Русија распореди 46 ракетни системи „Искандер“ долж украинската граница

Русија распореди 46 свои ракетни системи „Искандер“ долж украинската граница, тврди портпаролот на украинската воена разузнавачка агенција (ГУР).

Системите „Искандер“ можат да истрелаат крстосувачки и балистички ракети врз украинската цивилна инфраструктура, рече Вадим Скибицки, заменик-шефот на украинскиот ГУР, на брифинг за медиумите во неделата во Киев.

Во петокот украинската војска објави дека Русија го гаѓала Криви Рих со ракетниот систем Искандер-К. Во петокот Русија изврши вкупно 13 напади врз украински цели, соопшти во саботата наутро Генералштабот на украинската армија.

Руските сили често користеле ракети „Искандер“ во нападите врз украинските цели, а тоа е тактичко оружје способно да лансира нуклеарни боеви глави.

Западните експерти претходно шпекулираа дека Москва може да го користи ракетниот систем 9К720 Искандер, кој НАТО го оперира под ознаката СС-26, доколку одлучи да посегне по нуклеарен арсенал.

Русија има само 100 од нив.

Share on Facebook

Tweet

Follow us

Save