Нова закана од Медведев:  САД би можеле да доживеат уште еден 11 септември, но со нуклеарно оружје

Дмитриј Медведев, претседател на рускиот Совет за безбедност и поранешен руски претседател и премиер, вчера во објава на својот канал Телеграм рече дека САД наскоро би можеле да доживеат напад како оној на 11 септември 2001 година, но со нуклеарно или биолошко оружје.

Медведев ги упати своите закани само еден ден пред годишнината од терористичките напади во кои загинаа 2.996 луѓе.

Медведев, водечкиот пропагандист на Кремљ, кој беше претседател на Русија од 2008 до 2012 година и премиер од 2012 до 2020 година, често му се закануваше на Западот со нуклеарно оружје во изминатата година и половина.

Тој вчера на својот Телеграм канал објави, како што рече, „неколку зборови во пресрет на 11 септември“. Во него, тој ги исмејуваше САД за, како што рече, „ароганција и одвратниот нарцизам“ меѓу западните нации и „универзална ароганција за кое било прашање“.

Преводот на неговата опширна објава на Твитер го сподели Антон Герашченко, советник на украинскиот министер за внатрешни работи.

– Не сакам да предвидувам, но САД ќе доживеат дека во одреден момент терористите ќе извршат нов напад во стилот на 11.9.2001 година, но со нуклеарна или биолошка компонента, напиша Медведев, преведено од Герашченко.

-Или уште полошо: еден од лидерите на нуклеарните земји ќе ги изгуби нервите и ќе донесе емотивна одлука да употреби оружје за масовно уништување. Посебно што нуклеарниот клуб постојано се шири и значаен дел од него не е обврзан со никакви обврски. И тогаш тоа би било тоа. Играта заврши. Останува само да се соберат пари за нов споменик во „Граунд Зеро“. Во најдобар случај, додаде тој.

Минатиот месец, за време на интервјуто за руската државна новинска агенција ТАСС, Медведев даде слични коментари, сугерирајќи дека САД и другите западни земји го туркаат светот поблиску до Третата светска војна.

Share on Facebook

Tweet

Follow us

Save