INFOMAX.MK

Денес, поддржувачите на демократскиот претседателски кандидат Роберт Кенеди Јуниор ќе се соберат на протест пред Демократскиот Национален Комитет во Вашингтон, каде членовите и делегатите на партијата ќе гласаат за процесот со номинирање на нивните кандидати за претседател на САД.

Неодамнешното интервју на Кенеди Јуниор за Форбс со Диана Брејди помина со обвинувања до партијата на Демократите дека го поткопуваат демократскиот процес за избор на претседателските кандидати и не дозволуваат фер избори. Според Кенеди, Демократите прават се` што е во нивна моќ да ја направат невозможна шансата за било кој друг кандидат да го предизвика Бајден за номинацијата.

Кенеди предочи дека Демократите селективно го промениле начинот на избор и правилата во Ајова и со тоа ги казниле другите кандидати кои го предизвикуваат Бајден за номинацијата.

Според Кенеди партијата ги контролира супер-делегатите и ја прави трката скоро невозможна за сите останати кандидати на сметка на Џо Бајден, на кого ширум му ја отвораат ширум вратата за уште една номинација без шанси за предизвикувачите. Кенеди истакна дека за да го победи Бајден за номинацијата ќе мора да освои повеќе од 80% од гласовите на обичните делегати, додека Бајден со 20% гласови од обичните делегати и со гласовите на супер-делегатите кои сите му се наклонети само нему, би ја добил номинацијата за претседател. Со ваквиот начин на избор според Кенеди демократските принципи во партијата се тотално нарушени.