Лукашенко со Путин во Сочи: Можеме да соработуваме на релација Русија – Белорусија – Северна Кореја

Претседателот на Белорусија Александар Лукашенко во Сочи се сретна со рускиот лидер Владимир Путин и по тој повод порача дека треба да размислуваат за „тројна соработка“ на релација Москва-Минск-Пјонгјанг.

Тој исто така рече дека економијата на Белорусија следната година ќе биде многу успешна и ќе се врати на нивото пред санкциите. Од своја страна, Путин на самиот почеток на средбата рече дека на Лукашенко детално ќе му каже за неговата неодамнешна средба со севернокорејскиот лидер Ким Џонг Ун.

Тој се осврна и на енергетиката, велејќи дека Русија ќе ги врати сите капацитети кога е во прашање енергетскиот сектор и дека наскоро ќе лансира огромни компании од светски размери.

Инаку, како што претходно најави портпаролот на Кремљ, Дмитриј Песков, средбата меѓу Лукашенка и Путин е од рутинска природа со цел двајцата најблиски сојузници да си ги пренесат најважните работи од актуелната политичка сцена.

Share on Facebook

Tweet

Follow us

Save