Од Украинец на Табановце запленети детектор за метал, шлемови, револвери – кубури…
Опрема за пронаоѓање злато и други метали, но и војнички шлемови и стари револвери кубури – антиквитети, се запленети на влез на граничниот премин Табановце од страна на царински службеници при спроведена детална контрола на возило со украински регистарски таблички, управувано од украински државјанин.
Како што соопшти Царинската управа, во возилото во неколку торби и една кутија биле пронајдени три стандардни и еден мал детектор за метал, двоглед, седум војнички шлемови, мини стругалка, два стари револвери – кубури, една аукциска книга, лупа, мини дрон, како и препарирана глава од алигатор.
– Контролата на возилото е извршена поради основано сомневање во исказот на патникот, кој на прашање на царински службеници одговорил дека нема ништо за пријавување. Лицето и неговата сопруга патувале во две посебни возила и според нивните искази планирале подолго да се задржат во нашата држава – велат од Царина.
Стоката е привремено задржана, со што е спречена можноста за употреба на истата и вршење нелегални активности на територија на Република Македонија. Против лицето е поднесена пријава за сторен царински прекршок.
ПОВРЗАНИ ВЕСТИ
Двајца полицајци нападнати во Липково
Двајца полицајци вчера биле нападнати во Липково.…
Запленети 150 килограми месо со изминат рок,…
Агенцијата за храна и ветеринарство заплени 150…
Министерот Клековски го посети пунктот за бесплатни…
По повод одбележување на Светскиот ден на…
43-годишен битолчанец пронајден починат во автосервис, наредена…
Четириесет и тригодишен жител на Битола бил…
Во напад во училиште во Словачка загина…
Напад во училиште во северозападна Словачка, извршен…