Мареј: Ѓоковиќ има нешто што Надал и Федерер го немаа!

Врсникот и своевремено конкурентот на Новак Ѓоковиќ во првата четворка, Британецот Енди Мареј, сега како 41. тенисер на светот оддалеку гледа што се случува во врвот. Меѓутоа, фактот дека зад себе има две олимписки злата и три грен-слем титули му дава легитимитет да коментира за најдобрите.

Прашан за достигнувањето на Ѓоковиќ, за 24. титула од грен-слемите и генерално за неговата кариера, Мареј издвои нешто кое Србинот го издвојува од Рафаел Надал и Роџер Федерер.

„Тоа што Новак го постигна на Ју-Ес опен и во текот на целата година е неверојатно, да е способен физички ова да го прави и на 36 години навистина е импресивно. Мотивацијата и желбата кои ги има навистина се неверојатни, брилијантни. Роџер и Рафа имаа долги кариери, но ниеден од нив во оваа фаза на кариерата не играше така константно како Новак“, вели Мареј.

Share on Facebook

Tweet

Follow us

Save