Москва: Ерменците го предаваат оружјето во Нагорно-Карабах

Руското Министерство за одбрана соопшти дека ерменските единици во Нагорно Карабах почнале да го предаваат оружјето по постигнувањето на договорот за прекин на огнот.

Тие од денеска предадоа шест единици оклопни возила, над 800 парчиња мало и противтенковско оружје и околу 5.000 парчиња муниција, се вели во соопштението на руското Министерство.
Руските мировници се уште се грижат за 826 цивили, меѓу кои 440 деца, кои сега немаат можност да се вратат во своите домови.

Како што се посочува во соопштението, организирано е нивно сместување, храна и медицинска помош.
Инаку, вчера беше постигнат договор за прекин на огнот меѓу азербејџанските вооружени сили и ерменските војници во Нагорно Карабах.
Договорот е постигнат со посредство на рускиот мировен контингент, откако официјален Баку започна антитерористичка операција.

Share on Facebook

Tweet

Follow us

Save