Макрон со свиткана опашка си заминува од Нигер

По пучот во Нигер, воената хунта на Нигер побара заминување на француската војска од земјата и го прогласи францускиот амбасадор за персона нон грата и му наложи да ја напушти земјата во рок од 72 часа. Макрон жестоко се спротистави на барањата на Нигер и рече дека Франција не ја признава новата власт на Нигер и нема да ги исполни нејзините барања.

По одбивањето на Франција да ги исполни барањата на властите во Нигер, властите ја блокираа амбасадата со амбасадорот внатре и не дозволуваа достава на храна, ја исклучија струјата и водата во амбасадата.

По еден месец Макрон со подвиткана опашка денес најави дека амбасадорот на Франција во Нигер ќе ја напушти земјата поради блокадата на амбасадата и дека француската војска етапно, но во целост ќе се повлече од базата во Нигер до крајот на годината.

Share on Facebook

Tweet

Follow us

Save