Мишел “нѐ охрабрува”: Ако сте амбициозни може да бидете членки на ЕУ до 2030 година
Треба да го видиме вистинскиот напредок на земјите кандидати за членство во Европската унија и доколку се амбициозни и сакаат да бидат подготвени, можат да бидат таму до 2030 година, изјави вечерва претседателот на Европскиот совет, Шарл Мишел.
На прес-конференцијата што се одржа во рамки на самитот на Европската политичка заедница во Гранада, тој истакна дека подеднакво е важно земјите од ЕУ да бидат подготвени за проширување и дека одложувањето мора да се прекине, особено сега, кога има војна во Украина.
Тој нагласи дека земјите кандидати на Балканот мора да престанат да се чувствуваат како ЕУ да ги игнорира и како да се заборавени речиси 20 години.
Ако напредокот е видлив, одредувањето на датумот е всушност охрабрување за тие земји да работат, да се реформираат и да бидат подготвени, а тоа е од геополитичко значење и за Европа, рече Мишел.
Тој заклучи дека проширувањето на ЕУ значи создавање на Европа која ќе биде постабилна и побезбедна во иднина.
ПОВРЗАНИ ВЕСТИ
Калас: Русија денес нема шанси против ЕУ…
Русија годинава издвои повеќе за војската отколку…
Пицула за БГНЕС: „Српскиот свет“ е опасен,…
„Српскиот свет“ е опасен. Местото на Западен…
Правда „засука ракави“: Изготвени дваесетина закони како…
Со новите измени на кривичниот законик ќе…
Филипче од Атина: Македонија е заглавена со…
Лидерот на СДСМ, Венко Филипче, на меѓународна…
Фон дер Лајен предложи нов пакет санкции…
Во вторник, Европската комисија (ЕК) го предложи…