Миовски: За да победите во Европа, треба да ги користите шансите!

Македонскиот напаѓач, Бојан Миовски со гол во финишот од натпреварот го спаси Абердин од пораз против Хелсинки во меч од Конференциската лига.

Абердин беше фаворит во овој меч и целеше на победа, но освои само бод. Миовски вели дека во Европа мора да се користат шансите за да се победи, а неговиот тим вчера промаши многу.

„Создадовме многу шанси, особено во второто полувреме, можевме да постигнеме уште два-три гола. Кога израмнивме, тоа беше одличен момент да тргнеме и по победата. Имавме голема шанса еден на еден. Во Европа морате да ги користите шансите“, вели Миовски.

„Морам да кажам дека и противникот беше одличен, но ние сме разочарани затоа што не го добивме натпреварот“.

„Среќен сум што го постигнав мојот прв европски гол. Како фудбалер работите за ваквите моменти. Ја очекував топката бидејќи ветерот беше на наша страна. Постигнав гол и среќен сум поради тоа“.

„Во првото полувреме имаше многу прекини, па не можевме да го користиме нашиот пресинг и високо темпо кое тие не би можеле да го следат. Бевме многу подобри во вториот дел, тренерот ни рече дека доколку продолжиме да притискаме, шансите ќе дојдат“.

Share on Facebook

Tweet

Follow us

Save