Кина вели: Воспоставете независна држава Палестина!

Кинеското Министерство за надворешни работи денеска соопшти дека официјален Пекинг е длабоко загрижен поради ескалацијата на тензиите и насилството меѓу Палестина и Израел, оценувајќи дека решението на конфликтот е во формирањето на независна држава Палестина.

„Ги повикуваме страните да останат смирени, да покажат воздржаност и веднаш да ги прекинат воените дејствија, со цел да се заштитат цивилите и да се избегне дополнително влошување на ситуацијата“, се вели во соопштението на кинеското Министерство.

Забележано е дека обновениот конфликт уште еднаш покажува дека долгорочното замрзнување на мировниот процес не може да трае.

„Основниот излез од конфликтот лежи во спроведувањето на решението за две држави и формирањето на независна држава Палестина“, соопшти кинеското Министерство за надворешни работи.

Се нагласува дека меѓународната заедница треба да дејствува поитно, да овозможи продолжување на мировните преговори меѓу Палестина и Израел и да се најде начин да се постигне траен мир.

Share on Facebook

Tweet

Follow us

Save