Хамас распоредува 1.000 припадници на специјалните сили за напад на Израел?

Палестинската исламистичка група Хамас распореди околу 1.000 борци организирани во специјализирани единици, подготвени да го извршат најразорниот напад врз Израел во последните децении, изјави денеска извор близок до групата. Според Ројтерс, видеа од дел од операциите или детали за обуката на тие единици се објавени од Хамас и неговото вооружено крило Бригадите Из ал-Дин ал-Касам, како и некои сведоци.

Според тие извори, вежбите вклучувале изградба на лажна израелска населба за вежбање воено слетување и обука за напад. Заедничката канцеларија на палестинските движења на отпорот, предводена од воените крила на Хамас и Исламски џихад, објави на 28 декември 2022 година, на својот канал Телеграм, фотографии кои покажуваат, како што рече, обука за „напад зад непријателските линии, како и за фаќање израелски војници“.

Извор близок до Хамас рече дека борците на групата тренираат во Газа од последниот конфликт во 2021 година, повремено спроведувајќи вежби на јавно место. Портпаролот на израелската армија изјави дека израелските војници се борат против вооружените милитанти на Хамас на неколку точки околу Газа, повеќе од 48 часа по нападот во раните утрински часови во саботата.

Конфликтот започна кога Хамас истрела 3.000 ракети, според организацијата, додека израелската војска соопшти дека имало 2.500 проектили, кои имале за цел да им овозможат на борците на Хамас да ја пробијат утврдената ограда околу Газа и да извршат операции внатре во Израел. После тоа, палестинските борци на моторизирани параглајдери ја прелетаа границата и го обезбедија теренот за главниот копнен напад. Израелската армија возврати и изврши голем напад врз центрите на Хамас во Газа, јави денеска Би-Би-Си. Хамас, во меѓувреме, продолжи со масовните ракетни напади врз Израел од Појасот Газа.

Share on Facebook

Tweet

Follow us

Save