Светските авиокомпании ги откажуваат летовите до и од Израел

Светските авиокомпании во голема мера ги откажуваат летовите до и од Израел, поради интензивните борби меѓу израелските сили и Хамас, пишува Си-ен-ен.

Американ ерлајнс ги откажа сите летови до и од Тел Авив до петок, откако синдикатот што ги претставува пилотите на авиокомпаниите издаде остро предупредување за опасностите за воздушниот простор и ги советуваше екипажите да одбијат каква било задача во земјата.

По потреба ќе се направат дополнителни корекции, се вели во соопштението.

Норвешка ер ги откажа сите летови од Копенхаген и Стокхолм до Тел Авив до недела. Во соопштението се вели дека директно ќе контактира со засегнатите патници и работи на изнаоѓање решение за патниците кои моментално се во Израел.

Кореан ер, единствената јужнокорејска авиокомпанија која оперира директни летови меѓу Инчеон и Тел Авив, го откажа летот во понеделникот – но рече дека ќе изврши повратен лет од Тел Авив до Инчеон за да ги врати луѓето дома.

Share on Facebook

Tweet

Follow us

Save