Франција ја подигна безбедносната тревога во земјата на највисоко ниво

Франција ја подигна безбедносната тревога на највисоко ниво, изјави денеска францускиот министер за внатрешни работи Жералд Дарманин за TF1.
Тој рече дека постои сомнеж поврзаност меѓу нападот со нож во Арас и ситуацијата на Блискиот Исток меѓу Израел и Хамас, пренесе БФМ ТВ.
„Според нашите информации, за жал, постои поврзаност меѓу она што се случи на Блискиот Исток“, објасни тој.

Францускиот министер за внатрешни работи, говорејќи за TF1, рече дека властите мора да бидат уште поостри кон радикализираните луѓе во Франција.
Медиумите претходно објавија дека напаѓачот, кој уби едно лице и рани неколку други во гимназијата во градот Арас, пред инцидентот извикал „Алаху Акбар“, но полицијата се уште не го потврдила тоа.
Според полицијата, напаѓачот е по потекло од Чеченија и бил во полициската евиденција, јави Танјуг.

Share on Facebook

Tweet

Follow us

Save