Нетанјаху се сретна со семејствата на заробените од страна на Хамас: Ги уверил дека работи на нивно ослободување

Израелскиот премиер Бенјамин Нетанјаху оствари средба со челнови на семејствата на лицата заробени од Хамас и ги уверил дека работи на ослободување на заробениците.

„Нетанјаху им кажал на семејствата дека една од целите на војната е враќањето на заробениците и исчезнатите“, соопштија од неговиот кабинет.

Во саботата, шефот на Советот за национална безбедност Цачи Ханегби рече дека „Израел нема да води преговори со непријателот што ветивме дека ќе го избришеме од лицето на земјата“.

Како одговор, форумот за семејства издаде изјава во која ја критикува владата дека „ефикасно кажа дека ги напушта своите граѓани кои се киднапирани“.

По денешната средба, семејствата велат дека прифаќаат „појаснување“ од Нетанјаху дека изјавата на Ханегби не го претставува неговото мислење за ова прашање.

Семејствата велат дека барале да се истражат сите патишта, вклучително и преку контакт со Хамас, лидерите на арапските земји и други личности „со цел да се доведе до нивно итно ослободување“.

Share on Facebook

Tweet

Follow us

Save