И Сунак оди во посета на Израел

Британскиот премиер Риши Сунак денеска ќе пристигне во Израел и ќе се сретне со неговиот колега Бенјамин Нетанјаху и претседателот Јицак Херцог пред да ги посети другите регионални престолнини, соопшти Даунинг стрит.

– Секоја смрт на цивил е трагедија. Премногу животи беа изгубени по ужасниот терористички чин извршен од Хамас, истакна Сунак во пресрет на посетата.

Според него експлозијата во болницата во Газа, во која загинаа стотици Палестинци, треба да послужи како „момент за лидерите од регионот и светот да се здружат за да избегнат уште поопасна ескалација на конфликтот“.

Предвидено е Сунак да побара и отворање на коридор за да се донесе хуманитарна помош во Газа и да им се овозможи на британските граѓани да ја напуштат енклавата.

Најмалку седум Британци се убиени, а девет се водат како исчезнати по нападот врз Израел на 7 октомври.

Додека шефот на британската дипломатија Џејмс Клеверли, кој минатата недела беше во Израел, во следните три дена ќе ги посети Египет, Турција и Катар со цел изнаоаѓање на мирно решение на конфликтот.

Share on Facebook

Tweet

Follow us

Save