Озил и Туран со поддршка за Палестина

Воениот конфликт меѓу Палестина и Израел зема многу човечки животи, а тоа предизвика реакции и од познатите личности во светот, меѓу кои се и фудбалерите. Последни кои реагираа преку социјалните мрежи се Арда Туран и Месут Озил.

Туран даде поддршка за Палестина и побара прекин на огнот затоа што животот го загубиле голем број невини деца.

„Израел убива цивили, невини деца. Цел свет треба да се соедини и да реагира. Секој што нема да реагира, ќе биде одговорен“, напиша Туран.

Озил преку профилите на социјалните мрежи напиша дека случувањата меѓу Палестина и Израел се вистински кошмар.

„Може ли да постои некоја причина во светот секој ден да фрламе бомби, секој час да умираат невини луѓе!? Дефинитивно не. Ова е кошмар. Каде е хуманоста?“, објави Озил.

Share on Facebook

Tweet

Follow us

Save